17 oktyabr Füzuli nin azad olunması münasibəti ilə Vətənpərvər Şair
Mübariz Hüseyn Borçalı nın günümüzlə səsləşən bir neçə şeirini təqdim edirik:
YAŞA, VƏTƏNİM YAŞA!
Tarix yazan övladın,
Yurdu, ucalar başa.
Dillərə düşüb adın
Yaşa, vətənim yaşa!
* * *
Hər oğulun igid, ər
Yağı üstə coşandı.
Göstərib mərdlik, hünər
Zirvələri aşandı.
* * *
Məğlub olub gedəcək,
Alıb, yara dərini.
Zaman rüsvay edəcək
Körpə qatillərini.
* * *
Dinc əhalini vurmaq,
Hərbçilərə yaraşmaz.
Məqamdır cavab sormaq
Kin, qəddarla barışmaz.
* * *
Güləcək el növrağı
Zəfərdən pay dərəndə.
Dalğalanan bayrağı
Təbəssümlü görəndə.
<<<<Mübariz Hüseyn Borçalı>>>>
HÜCUM ET, İGİD ƏSGƏR!
Qoruyaraq can, bədən
Qır, məhv olsun qəsb edən.
Məqamı itirmədən
Hücum et, igid əsgər!
* * *
Tökdürüb, çox göz yaşı,
Verib qanlı yaddaşı,
İtirib artıq, başı
Hücum et, igid əsgər!
* * *
Körpə, qoca bilmədən,
Öldürüb torpaq güdən,
Deyil, xoşluqla gedən
Hücum et, igid əsgər!
* * *
Dinib haqsız, çox dedi,
Əkdiyi qəmdən yedi.
BAŞ KOMANDAN əmridi
Hücum et, igid əsgər!
* * *
Döyüşü bitirməyə,
Zəfəri gətirməyə,
Şuşanı götürməyə
Hücum et, igid əsgər.
<<<<Mübariz Hüseyn Borçalı>>>>
TARİX YAZIR O YERDƏ
Qələbə müjdəsiylə
Üzü gülür yurdumun.
Vur deyib, gur səsiylə
İgid oğlu ordumun
Tarix yazır, o yerdə.
* * *
Zəfərə doğru gedir,
Tutub haqqa üzünü.
Xalq üstündən yox edir,
“Qaçqın”, “köçkün” sözünü
Tarix yazır o yerdə.
* * *
Tarixdən iki alıb,
Məktəbdə fikir edən,
Zamanı lərzə salıb
Olubdur öndə gedən
Tarix yazır, o yerdə.
* * *
Xocalı qətliyamın
Alacaqdır öcünü.
Yağı görür əyyamın
Azərbaycan gücünü
Tarix yazır, o yerdə.
* * *
Odur nur saçan, ancaq
Zülmət gecə, sübh danı.
İnamım var, qoyacaq
Qələbəyə NİDANI!!!
Tarix yazır, o yerdə.
<<<<Mübariz Hüseyn Borçalı>>>>
İKİ BÖYÜK ƏMANƏTİ QORU, ƏSGƏR
Yaz çağında əlvan çiçək açsa da,
Hər ağacdan bil ki, meyvə dərilmir.
Etibarı, bəzən ürək açsa da
Əmanət də hər yetənə verilmir.
* * *
İki böyük əmanət var boynunda
Şirin canın, doğma vətən Ey əsgər!
Biri yaşam, biri saxlar qoynunda
Qorumaqçün hünər göstər qolun gər.
* * *
Zərər gəlsə əmanətdən birinə,
Zülmət hökmü, qalib gələr gündüzə.
Qoru canı, vur yaranı dərinə,
Zəfərlə dön, sevinc gəlsin hər üzə.
Müəllif: Mübariz Hüseyn Borçalı
===================================================
ƏLİFBAMIZDAKI HƏR BİR HƏRFƏ AİD İKİ ŞEİR, HƏR RƏQƏMƏ AİD İKİ TAPMACA, AYLAR VƏ FƏSİLLƏR HAQQINDA YENİ ŞEİRLƏRİ AŞAĞIDAKI KEÇİDDƏN İSTİFADƏ ETMƏKLƏ OXUMAQ OLAR:
GÜLLÜNÜN ŞEİRLƏRİ KİTABI – BÜTÜN HƏRFLƏRƏ AİD ŞEİRLƏR
“USTAC.AZ” FƏRDİ İNKİŞAF və YARADICILIQ PORTALI
<<<<XİDMƏTLƏR>>>>
Təqdim edir: Zaur Ustac
WWW.YAZARLAR.AZ VƏ WWW.USTAC.AZ
Əlaqə: Tel: (+994) 70-390-39-93 E-mail: zauryazar@mail.ru
30 İYUN 2019 -CU İLƏDƏK MÖVCUD OLAN YAZARLAR.AZ
WWW.USTAC.AZ 