Azərbaycan Respublikasının Milli Qəhrəmanları
Bu gün Azərbaycanın Milli Qəhrəmanı, adı dillərdə dastan olan, həm müasirimiz, həm də əfsanə olan Mübariz İbrahimovun ad günüdür! Ad günün mübarək, şəhidim!!! Rahat uyumağa çalış…. Bilirəm ki, ruhun heç vaxt şad ola bilməz, nə qədər ki, uğuruna ömrünün ən yaşamalı çağında canından keçdiyin, o mübarək qanınını axıtdığın, qoynuna girməzdən əvvəl günlərlə qol-boyun olub qaldığın ana torpaq düşmən tapadağı altında inləyir, bu mümkün deyil… Allah rəhmət eləsin… Qəbrin nurla dolsun, şəhidim…
Azərbaycan Respublikası Prezidentinin 22 iyul 2010-cu il tarixli fərmanı ilə İbrahimov Mübariz Ağakərim oğluna ölümündən sonra «Azərbaycanın Milli Qəhrəmanı» adı verilmişdir.
Başqa bir sərəncam ilə xatirəsinin əbədiləşdiriməsi üçün Biləsuvar rayonunun orta məktəblərdən və rayon mərkəzindəki küçələrdən birinə onun adının verilməsini tapşırdı və bu, yerinə yetirildi.
Müdafiə Sənayesi Nazirliyinin istehsal etdiyi “İstiqlal” snayper tüfəngləri ailəsindən 12.7 mm çaplı ikinci tüfəngə onun şərəfinə “Mübariz” adı verildi. 2011-ci il 15 iyunda Biləsuvar şəhərində Mübariz İbrahimovun heykəlinin və Əliabad kəndi ərazisində Prezident İlham Əliyevin tapşırığı ilə ailəsi üçün tikilmiş yaşayış evinin açılışı oldu. Həmin ildə “Palmali” şirkətinin Türkiyədə hazırladığı yük gəmisi də “Mübariz İbrahimov” adlandırıldı. 2014-cü ildə Kanadanın Ottava şəhərində yerləşən Minto parkında Azərbaycan icmasının təşəbbüsü ilə qəhrəmanın adına xatirə lövhəsi vuruldu. 2016-cı ildə Sumqayıtda küçələrdən birinə Mübarizin adı verildi, Azərbaycan Dövlət Neft və Sənaye Universitetində isə heykəli ucaldıldı.
Onun haqqında 2010-cu ildə rejissor Etibar Məmmədov “Müqəddəs zirvə” filmini çəkdi. Türkiyədə onun qəhrəmanlığı dillərdə dastana çevrildi. 2013-cü ildə Mübariz İbrahimovun qəhrəmanlığına TRT 1 kanalında nümayiş olunan “Sakarya Fırat”, 2014-cü ildə nümayiş olunan “Qızıl Alma” seriallarında geniş yer ayrılmışdır. Fəxrəddin Mustafayev “Mübarizlər yolu”, Maarif Köçkün “Mübariz cəsarəti”, Zaur Ustac “Oriyentir Ulduzu” kitablarını yazdılar. Elxan Elatlı “Qisas gecəsi”, Balayar Sadiq “Hünər simfoniyası”, Baxşeyiş Abbasoğlu “Ölüm son deyil… və yaxud əbədiyyət nəğməsi”, Mustafa Çəmənli “Mübariz” romanlarını, Rauf İlyasoğlu “Vətən sağ olsun” poemasını yazdılar.
====================================================
BÜTÜN HƏRFLƏRƏ, RƏQƏMLƏRƏ AİD YENİ ŞEİRLƏR BURADA
“USTAC.AZ” FƏRDİ İNKİŞAF və YARADICILIQ PORTALI
<<<<XİDMƏTLƏR>>>>
Təqdim edir: Zaur Ustac
WWW.YAZARLAR.AZ VƏ WWW.USTAC.AZ
Əlaqə: Tel: (+994) 70-390-39-93 E-mail: zauryazar@mail.ru
30 İYUN 2019 -CU İLƏDƏK MÖVCUD OLAN YAZARLAR.AZ
WWW.USTAC.AZ 