ZT

HƏSRƏT

Bir həsrət yatır ki, içimdə mənim
Azdırıb ruhumu, yolunu tapmır.
Ağrıdır qəlbimi, olubdur qənim
Unudub sağını, solunu tapmır.

Bir həsrət yatır ki, içimdə mənim
Boylanır gözlərim yollara sarı.
Ağlayır içimdə bir körpə kimi
Darıxır, çırpınır, qollara sarı.

Bir həsrət yatır ki, içimdə mənim
Gülümə yetməyir, canıma çatmır.
Göynəyir sübhədək, incidir məni
Dincliyi tanımır, rahatlıq tapmır.

Bir həsrət yatır ki, içimdə mənim
Danışa bilməyir, susur dinməyir.
Ziyafət adında bəxtsiz gəlinin
Dərdi də pünhandı, kimsə bilməyir…

Müəllif: Ziyafət Tovuzlu

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru